韓國SPAO與We Bare Bears推出聯名款！SPAO繼美少女戰士、百變小櫻、BT21等大熱聯名款後，終於又推出新一季啦！呢次SPAO推出嘅We Bare Bears系列服裝有長袖T恤、帽T衛衣、外套同睡衣等，仲推出咗毛絨絨外套，見到就想摸一摸～

超熱門卡通熊熊遇見你(We Bare Bears)同韓國SPAO聯名推出百搭絨毛外套，呢種絨毛外套亦係韓國今個秋冬最流行嘅必備單品！呢種絨毛外套已經成為全韓國高中生最愛百搭必備單品！喺韓國街頭可以見到好多韓國女生一人著住一件～

絨毛外套一共有三款顏色，每款售價為25,900韓幣（港幣約１７０元）以外套而言，唔單止價格便宜又百搭，大家想唔想入手一件絨毛外套呢? 

長袖T恤、帽T衛衣都超百搭，係秋冬必備嘅服裝，而且件件都有３隻小熊嘅印花或刺繡，超可愛～

除咗推出街衫之外，仲一併推出廣受韓國學生鍾意嘅睡衣系列！呢個系列嘅睡衣一共有四款，每套都包含一件鈕扣式睡衣同一件睡褲，即使著睡衣落樓去便利店都唔會覺得凍～ 每套睡衣售價為39,900韓幣（港幣約２６０元） 

另一款睡衣材質比較光滑，類似絲質觸感，但相較於絨毛睡衣單薄。呢套睡衣適合家內穿著，一共有三款，同樣每套都包含一件鈕扣式睡衣同一件睡褲。每款售價為39,900韓幣（港幣約２６０元）  

另外亦有推出童裝～　兒童款軟綿綿毛外套 19,900 韓幣 （PINK、LIGHT BEIGE、IVORY、BLUE四色）

兒童款軟綿綿毛背心 25,900 韓幣 （PINK、LIGHT BEIGE、IVORY、MINT四色）

仲有Ｗｅ　Ｂａｒｅ　Ｂｅａｒｓ嘅背囊賣～學生黨買呢個產品就啱啦，可以揹住３隻小熊一齊翻學！

所有產品價格都咁平，１２月會去韓國嘅女生記得入手～　最近唔去韓國又想買？咁就記得搵代購，限定產品賣完就冇啦～